17-го сентября по н.ст. память блаженного Даниила Елисаветградского.
- blagovichenya
- 17 сент. 2019 г.
- 1 мин. чтения
17-го сентября по н.ст. память блаженного Даниила Елисаветградского.
Елисаветградския земли украшение,/ людем православным похвало и утверждение,/ кротостей и добродетелей всечестное правило,/ Данииле всеблаженне,// моли Христа Бога спастися душам нашим.
Богоизбранная звезда явился еси, блаженне Данииле,/ светом Божественным путеводяй странствующих во тьме жития сего,/ Елисаветград молитвами и бдении твоими освятил еси,/ темже чтущим святую память твою,/ моли Человеколюбца Бога,/ от бед и нападений избавитися// и спастися душам нашим, святе, молитвами твоими.
О, досточудне и всеблаженне отче наш Данииле, землю Елисаветградскую житием и подвиги своими освятивый и чудесы твоими людем православным помощь доныне обильно подающий. Прославляюще прославльшаго тя Господа, во святых Своих дивнаго, славословие тебе приносим и усердно молим тя: отче блаженне, молитвами твоими яже к Богу сохрани Град наш и Отчество от всякия беды и напасти, огради ходатайством твоим Церковь нашу Святую и умири всякое нестроение и соблазн, от врага всеваемый, даруй нам дух ревности и терпения, дух разума и любви, обнови страх Божий в сердцах наших и возгрей их пламенем непрестанныя молитвы. Ей, Данииле Богомудре, сохрани всех нас от соблазнов и грехопадений, от злобы и неправды, от искушений и страстей и вся люди православныя во исповедании отеческия веры укрепи, да купно с тобою и со всеми святыми прославим Всеблагаго Бога, Отца и Сына и Святаго Духа во веки веков. Аминь.
Comments